టాలీవుడ్ క్రేజీ స్టార్ ఎవరంటే క్షణం ఆలోచించకుండా వచ్చే పేరు పవర్ స్టార్ పవన్ కళ్యాణ్. పవర్ స్టార్ స్టామినా ఇది అని కొలవాలని చూసే వ్యాపకం లేదంటే అతిశయోక్తి కాదేమో టాలీవుడ్ లో అత్యధిక సంఖ్యలో అభిమానులున్న హీరో పవన్ కళ్యాణ్ అది ఎవరి నమ్మినా నమ్మక పోయినా నిజం. సినిమాలు తీయడం మొదలు పెట్టిన నాటి నుండి తన కంటూ ఒక సరికొత్త స్టైల్ ని క్రియేట్ చేసుకుంటూ వచ్చి పవర్ స్టార్ గా మెగా అభిమానుల ముందు సగర్వంగా నిలబడ్డాడు. పవన్ కళ్యాణ్ వ్యక్తిత్వం తన సినిమాల్లో కనపడుతుంది అని చాలా మంది చెబుతుంటారు..

అయితే నాక్కొంచం తిక్కుంది కాని దానికో లెక్కుంది అన్న పవర్ స్టార్ ఆ డైలాగ్ చెప్ప గలిగే కెపాసిటీ తనకే ఉందని నిరూపించాడు. చూడప్పా సిద్ధప్పా సింహం నేను ఒకటే అది గడ్డం గీసుకోదు నేను గీసుకుంటా మిగతాదంతా సేమ్ టూ సేమ్ అంటూ తన ఖలేజా గురించి చెప్పినా పవర్ స్టార్ వల్లే అవుతుంది. అయితే ప్రస్తుతం చేస్తున్న సర్ధార్ గబ్బర్ సింగ్ సినిమాలో పవర్ స్టార్ బాగా చొరవ చూపిస్తున్నాడని తెలుస్తుంది. ఇప్పటికే కథ కథనాలు తనే రాసుకున్న పవన్ కళ్యాణ్ ఇప్పుడు సినిమా కోసం పోరాట సన్నివేశాలు అదేనండి ఫైట్స్ కూడా తానే కంపోజ్ చేస్తున్నాడట.

సినిమా పట్ల అన్ని రంగాల్లో అభిరుచి ఉండటం మంచిదే కాని ఇదవరకు తను చొరవ తీసుకున్న సినిమాలు జానీ, గుడుంబా శంకర్ బాక్సాఫీస్ దగ్గర బొక్క బోర్లా పడ్డాయి. మరి అలా ఈ సర్ధార్ గబ్బర్ సింగ్ కాకుండా జాగ్రత్త పడాల్సిన బాధ్యత పవర్ స్టార్ మీదే ఉంది. మొత్తానికి మళ్లీ తన తిక్క చూపిస్తున్న పవన్ కళ్యాణ్ చూస్తుంటే ఈసారి సూపర్ సక్సెస్ కొట్టేట్టు ఉన్నాడు. పవర్ సినిమాతో దర్శకుడిగా సక్సెస్ అయిన బాబీ పేరుకి సర్దార్ గబ్బర్ సింగ్ కి దర్శకుడిగా పనిచేస్తున్నా అన్ని పవన్ కళ్యాణ్ చేస్తున్నాడని వస్తున్న రూమర్. మరి దీనికి పవర్ స్టార్ ఎలా సమాధానమిస్తాడో చూడాలి.