స్టైలిష్ స్టార్ అల్లు అర్జున్ ప్రస్తుతం బోయపాటి శ్రీనివాస్ దర్శకత్వంలో ‘సరైనోడు’ సినిమా చేస్తున్న సంగతి తెలిసిందే. బెల్లంకొండ సురేష్ తన తనయుడి రెండో ప్రయత్నంగా చేసే సినిమాకు కూడా ‘స్పీడున్నోడు’ అనే టైటిల్ పెడుతున్నాడని సమాచారం. ‘సరైనోడు’, ‘స్పీడున్నోడు’ రెండు టైటిల్స్ కాస్త దగ్గరగా ఉండటం విశేషం. భీమనేని శ్రీనివాస్ దర్శక నిర్మాతగా వ్యవహరిస్తున్న ఈ సినిమా టైటిల్ బన్నీ సినిమాకు పోటీగా పెట్టారనే వాదనలు వినిపిస్తున్నాయి.
తమిళ సినిమా రీమేక్ గా వస్తున్న ఈ ‘స్పీడున్నోడు’ కథ పరంగా ఈ టైటిల్ అయితేనే బాగుంటుందని పెట్టారట. అయితే బెల్లంకొండ శ్రీనివాస్ సినిమా టైటిల్ బయటకు రాకముందే అల్లు అర్జున్ బోయపాటిల సినిమా ‘సరైనోడు’ అని బయటకు వచ్చింది అయినా సరే దర్శక నిర్మాతల భీమనేని శ్రీనివాస్ ‘స్పీడున్నాడు’ టైటిల్ మీదే మంచి గురి మీదున్నాడు. అందుకే ఈ టైటిల్ విషయంలో వెనక్కి తగ్గేది లేదని చెప్పాడట.
జాదూగాడు సినిమాతో తెలుగు తెరకు పరిచయమైన సోనారికా బడోరియా సినిమాలో హీరోయిన్ గా చేస్తుండగా.. మిల్కీ బ్యూటీ తమన్నా ఐటం సాంగ్ చేస్తుంది. శ్రీ వసంత్ సంగీతం అందిస్తున్న ఈ సినిమా 2016 వేసవిలో విడుదల చేసేలా రంగం సిద్ధం చేస్తున్నారు దర్శక నిర్మాత భీమనేని శ్రీనివాస్.
