వారంలో రెండు మూడు సినిమాలు రిలీజ్ అయితేనే ప్లాన్ చేసుకున్నా సినిమాకెళ్లలేని ఈరోజుల్లో.. ఒకేరోజు 14 సినిమాల రిలీజ్ అవ్వడం కాస్త షాకింగ్ అనే చెప్పాలి. అవును ఏప్రిల్ 1న ఏకంగా 14 సినిమాలు తెలుగులో రిలీజ్ అవుతుండటం విశేషం. వీటిలో చెప్పుకోదగ్గ సినిమాలు కేవలం రెండు మూడే అయినా సినిమాలు మాత్రం 14 దాకా వస్తున్నాయి.

రాం గోపాల్ వర్మ మంచు మనోజ్ కాంబినేషన్ లో వస్తున్న ఎటాక్, పవన్ సాధినేని నారా రోహిత్ కలయికలో వస్తున్న సావిత్రి మాత్రమే ప్రేక్షకులు చూసే అవకాశం ఉంది. ఇక ఇది కాకుండా శర్వానంద్, నిత్యా మీనన్ హీరో హీరోయిన్స్ గా నటించిన రాజాధిరాజా సినిమా కూడా ఏప్రిల్ 1న వస్తుంది.

ఇవే కాకుండా సెల్వ రాఘవన్ భార్య గీతాంజలి తెరకెక్కించిన నన్నువదిలి నీవు పోలేవులే, అప్పుడలా ఇప్పుడిలా, పిడుగు, 7 టు 4, మాస్ (తమిళ్ మారి డబ్బింగ్), ఆమె ఎవరు, భరతన్న, ఓ మల్లి, రహదారి, 24 అవర్స్, ధనాధన్ సినిమాలు తెలుగు బాక్సాఫీస్ మీద తమ అదృష్టాన్ని పరిక్షించుకునేందుకు రెడీ అవుతున్నాయి. అయితే ఇందులో కేవలం కొన్ని సినిమాలు మాత్రమే ప్రేక్షకులు చూసే అవకాశం ఉంది. మిగతా సినిమాలు అసలు వచ్చాయా లేదా అన్న ఆలోచన కూడా ఎవరికి తెలియదు. అదీగాక ఈ సినిమాలు చూసేందుకు ప్రేక్షకులు కూడా అంత ఇంట్రెస్ట్ చూపించరు.