తమిళ సినిమా అరణ్మయి కు సీక్వల్ గా వస్తున్న లేటెస్ట్ మూవీ అరణ్మయి-2 లో సిద్ధార్థ్, హాన్సిక, త్రిషలు ముఖ్య పాత్రలుగా నటించారు. సుందర్.సి దర్శకత్వంలో సస్పెన్స్ థ్రిల్లర్ జానర్ సినిమాగా ఈ అరణ్మయి-2 వస్తుంది.తెలుగులో కళావతిగా విడుదలవుతుంది ఈ సినిమా. ఇక సినిమా కోసం చెన్నైలో నాలుగు కోట్ల వ్యయంతో ఓ సెట్ వేయడం జరిగిందని చిత్రయూనిట్ చెప్పారు. అంతేకాదు 130 అడుగుల అమ్మవారి విగ్రహాన్ని కూడా నిర్మించడం జరిగిందని అన్నారు.
ఇప్పుడు ఆ ప్రదేశం హాలీడే స్పాట్ లా మారిందని.. ప్రేక్షకులు అక్కడికి వచ్చి సేదతీరుతూ పూజలు గట్రా చేస్తున్నారని అన్నారు. రజినికాంత్, కమల్ హాసన్ లాంటి స్టార్ హీరోలతో పనిచేసిన సుందర్.సి దర్శకత్వం వహించిన ఈ సినిమా తప్పకుండా ప్రేక్షకులు మెచ్చేలా ఉంటుందని నమ్మకంతో ఉన్నారు. సినిమాను సర్వాంత రామ్ క్రియేషన్స్ పతాకంలో జవ్వాజి రామాంజనేయులు నిర్మించడం జరిగింది.
తెలుగులో ఈ సినిమాను గుడ్ సినిమా గ్రూప్స్ డబ్బింగ్ చేసి విడుదల చేస్తున్నారు. ఇటీవల ఆడియో కార్యకరమం జరుపుకున్న ఈ సినిమా ఈ నెల 29న విడుదలవుతుంది. ప్రస్తుతం సౌత్ లో సూపర్ క్రేజ్ మీదున్న త్రిష, హాన్సికలు ఈ సినిమాలో గ్లామర్ పాత్రలతో కాకుండా థ్రిల్లింగ్ పర్ఫార్మెన్స్ తో అలరిస్తారట. ఇప్పటికే సినిమా గురించి వదిలిన ట్రైలర్స్ ప్రేక్షకులను ఆకట్టుకుంటున్నాయి.
